"Uşaqların kiber mühitdə təhlükəsizliyi" adlı layihənin icrasına başlanılıb

“Uşaqların kiber mühitdə təhlükəsizliyi” adlı layihənin icrasına başlanılıb. Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə Gənclər Mərkəzi İctimai Birliyi “Uşaqların kiber mühitdə təhlükəsizliyi” adlı layihəsi həyata keçirir.

Hazırda layihə ilə bağlı təşkilatı işlər görülür. Layihə uşaqların təlim-tərbiyə prosesində təhlükəsiz İKT imkanlarından istifadə etməsi, uşaq və yeniyetmələrin zərəli informasiyalardan qorunması üçün maarifləndirmə işləri və virtual məkanda uşaqlar üçün daha əlverişli şəraitin yaradılmasından bəhs edir.

Layihənin müddəti 3 aydır və müasir dünyada sərhədsiz informasiya yayımının uşaqlar, yeniyetmələrin zərərli informasiyalardan və gənc ailələrin sağlamlığına və inkişafına ziyan vura bilən təhdidlərindən qorunmaq məqsədi daşıyır.