Londonda Heydər Əliyevin 100 illik yubileyi münasibətilə beynəlxalq turnir keçirilib

Londonda Heydər Əliyevin 100 illik yubileyi münasibətilə beynəlxalq turnir keçirilib Londonda Heydər Əliyevin 100 illik yubileyi münasibətilə beynəlxalq turnir keçirilib https://innews.media/az/news/id-18252

Londonun əfsanəvi “Porçester Holl” (Porchester Hall) sarayında müasir Azərbaycan dövlətinin qurucusu Heydər Əliyevin anadan olmasının 100 illiyinə həsr olunmuş qarışıq idman növləri üzrə beynəlxalq turnir təşkil edilib.

Azərbaycan Diasporuna Dəstək Fondunun dəstəyi, Britaniya Azərbaycanlıları Assosiasiyası və “Immortal Champions” təşkilatının birgə təşkilatçılığı ilə gerçəkləşdirilən yarışda İngiltərə, İspaniya və digər ölkələrin muay-tay, kikboksinq və MMA üzrə idmançıları iştirak ediblər.

Turnirin əsas döyüşləri Yusuf Ali Taleb–Co Bello və Kennet Alarkon–Körtis Allen arasında baş tutub. Yusuf Ali Taleb II, Körtis Allen isə IV raundda nokautla rəqibləri üzərində qələbə qazanıblar.

Yusuf Ali Taleb “Immortal Champions” – MMA Britaniya tituluna, Körtis Allen həm Avropa çempionu, həm də “Immortal Champions” – muay-tay tituluna layiq görülüb.

Qaliblərə mükafatları kikboksinq üzrə üçqat dünya çempionu, Britaniya Azərbaycanlıları Assosiasiyasının və “Immortal Champions” təşkilatının rəhbəri Hafiz Baxşəliyev təqdim edib.