MY kamerunlu futbolçu üçün hərəkətə keçib

“Mançester Yunayted” “Brayton”un yarımmüdafiəçisi Karlos Balebanın transferi üçün danışıqları davam etdirir.

"Qırmızı şeytanlar" 22 yaşlı futbolçu üçün “Brayton”a 60 milyon və əlavə 5 milyon funt-sterlinq (ümumilikdə təxminən 76 milyon avro) bonus təklif edib.

Bu məbləğ “qağayılar”ın Baleba üçün müəyyənləşdirdiyi qiymətdən aşağı olsa da, danışıqlar müsbət məcrada davam edir. Tərəflər razılığa gəlmək üçün işlərini davam etdirirlər.

Kamerunlu futbolçu ötən mövsüm Premyer Liqada 31 oyunda meydana çıxıb.