https://innews.media/uploads/news/2025-01/_innews_6a44ed4a91f40d455be52d062_o.jpg
Ölsəm dizinə döyüb ağlama sən
Məni bu hallara bil, özün saldın
Mən üçün yalandan yas saxlama sən
Quru canım vardı onu da aldın
Göz yaşın boşuna gəl axıtma sən
Sübhədək ağlasan yenə yetərsiz
Mənə etdiklərinə nəzər sal sən
Gör ömrün keçirmi qəmsiz, kədərsiz?
Bax, bulud da dözmür göz yaşlarıma
Şimşəklə birlikdə yağış yağdırır
Aciz baxırsan məzar daşıma
Sözlərimi sənə şimşək çatdırır
Hər şimşək çağınca əllərin əsir
Qorxudan bilmirsən nə eyləyəsən
Soyuq bədənini şaxtatək kəsir
Utancdan tutulub dilin deyəsən
Yağan yağış deyil qarğışlarımdır
Səndən heyfimi çıxacaq mənim
Səni bu cür üzən baxışlarımdır?
O da qisasımı alacaq mənim
Aysel Aslanova
Bakı Dövlət Universitetinin Jurnalistika fakültəsinin 2 ci kurs tələbəsi
Ən son xəbərləri səhifəmizdən də izləyin
