AMEA-da akademik Ömər Eldarovun 95 illik yubileyi qeyd olunacaq

Dekabrın 16-sı saat 15:00-da AMEA-nın Əsas binsında görkəmli heykəltəraş, Azərbaycan Dövlət Rəssamlıq Akademiyasının rektoru, Xalq rəssamı, "Heydər Əliyev" ordeni laureatı, akademik Ömər Eldarovun 95 illiyinə həsr olunan yubiley elmi sessiyası keçiriləcək.

Tədbir AMEA İctimai Elmlər Bölməsi və Memarlıq və İncəsənət İnstitutunun birgə təşkilatçılığı ilə baş tutacaq.

Elmi sessiyada “Görkəmli heykəltəraş, akademik Ömər Eldarov”, “Ömər Eldarovun həyat və yaradıcılığı”, “Ömər Eldarovun yaradıcılığında memorial abidələr” və digər mövzularda məruzələr dinləniləcək.

Ünvan: Bakı şəh., Hüseyn Cavid prospekti, 115.