ADPU rektoru Türkiyənin TED Universitetinin rektoru ilə görüşüb

Türkiyə Respublikasının TED Universitetinin rektoru professor İhsan Sabuncuoğlu Azərbaycan Dövlət Pedaqoji Universitetində (ADPU) olub.

Görüşdə ADPU-nun rektoru professor Cəfər Cəfərov, Təhsilin İnkişafı Fondunun idarə heyətinin sədri Elnur Nəsibov, prorektorlar dosent Eldar Aslanov, Mahirə Hüseynova, Könül Pirverdiyeva, Filologiya fakültəsinin dekan müavini Könül Həsənova və Beynəlxalq əlaqələr şöbəsinin müdiri Günay Məhərrəmova və ADPU-nun Təlim-tədris Mərkəzinin müdiri Xalidə Həmidova iştirak edib.

Tərəflər bu yaxınlarda Ankarada keçirilən görüşün davamı olaraq ali təhsil müəssisələri arasında tədqiqat və akademik istiqamətlərdə əməkdaşlıq mexanizmlərinin qurulması yollarını müzakirə ediblər.