Böyüklərdən ibarət milli yığmamız İslam Həmrəyliyi Oyunlarına hazırlaşır

Türkiyənin Konya şəhərində 9-18 avqust tarixlərində V İslam Həmrəyliyi Oyunları keçiriləcək. Yarışda iştirak edəcək cüdoçularımızın Bakıda təlim-məşq toplanışı davam edir. 27 iyulda başlayan hazırlıq prosesi 5 avqusta qədər davam edəcək.

Azərbaycan Cüdo Federasiyasının (ACF) vitse-prezidenti, Olimpiya çempionu Elnur Məmmədli, ACF Prezidentinin müşaviri Natiq Bağırov, baş katib Rəşad Rəsullu və performans direktor Mark van der Ham milli yığmanın təlim-məşq toplanışını ziyarət edərək onların hazırlıqları ilə maraqlanıblar, cüdoçularımıza yarışda müvəffəqiyyətlər arzu ediblər.

8 avqust tarixində İslam Həmrəyliyi Oyunlarında iştirak üçün böyüklərdən ibarət milli yığma komandanın 7 üzvü Türkiyəyə yola düşəcək. Onlar 15-16 avqust tarixlərində fərdi yarışlarda, 17 avqustda isə komanda yarışında iştirak edəcəklər.

Məşqçi Zaur Babayevin rəhbərliyi altında çıxış edəcək idmançılarımızı sizə təqdim edirik:

-60 kq.

Balabəy Ağayev

-66 kq.

İbrahim Əliyev

-73 kq.

Nəriman Mirzəyev

Telman Vəliyev

-81 kq.

Zelim Tçkayev

-100 kq.

Elmar Qasımov