Dövlət Komitəsi jurnalistlər üçün müsabiqə elan edir

Dövlət Komitəsi jurnalistlər üçün müsabiqə elan edir Dövlət Komitəsi jurnalistlər üçün müsabiqə elan edir https://innews.media/az/news/id-11581

Ailə, Qadın və Uşaq Problemləri üzrə Dövlət Komitəsi Milli Mətbuat Günü münasibəti ilə jurnalistlər arasında “Ailə, qadın və uşaq məsələləri mediada” mövzusunda müsabiqə elan edir.

Müsabiqənin təşkil edilməsində məqsəd medianın diqqətini ailə, qadın və uşaq mövzularına çəkmək, bu istiqamətdə media məkanında faydalı məlumatların yayılmasına, maarifləndirmənin aparılmasına və media nümayəndələri ilə uğurlu əməkdaşlığa töhfə verməkdir.

Müsabiqənin şərtləri:

• Aşağdakı istiqamətlər üzrə aktual mövzu seçilə bilər:

• ailə məsələləri,
• qadın hüquqları və gender bərabərliyi,
• uşaq hüquqları.

• Müsabiqəyə 1 yanvar- 30 iyun 2023-cü il tarixində yayımlanan (televiziya, qəzet, jurnal və informasiya agentlikləri və onlayn mediada) yazı və video materiallar buraxılacaq.
• Həcmi 2000-10 000 arası işarə, “Arial” 12 ölçüsündə “MS Word” sənədi şəklində olan yazılar (çap materialıdırsa, PDF şəklində), müddəti 1-5 dəq. arası olan süjetlər (link qeyd edilməklə) təqdim edilə bilər.
• Dil: azərbaycan və rus dilləri.
• Müsabiqədə iştirak etmək istəyən media nümayəndələrindən iyunun 30-dək dərc və ya nümayiş edilmiş materalları “Müsabiqəyə təqdim olunur” başlığı ilə:

• ad və soyadı,
• işlədiyi media subyektinin adı,
• əlaqə nömrəsi,
• yayımlanan yazı və ya video materialın linkini əlavə edərək, informasiya.aqupdk@scfwca.gov.az  ünvanına göndərmək xahiş olunur.  

• Hər müəllif müsabiqəyə yalnız bir material təqdim edə bilər.

• Müsabiqənin müddəti: 1 mart - 1 iyul 2023-cü il tarixlərini əhatə edəcək müsabiqənin nəticələri 22 iyul - Milli Mətbuat Günündə elan olunacaq.

Müsabiqəyə qəbul edilən materiallardan 10 ən uğurlu iş müsabiqə komitəsi tərəfindən qiymətləndiriləcək.

Qiymətləndirmə zamanı  nəzərə alınacaq meyarlar:

- mövzunun aktuallığı,

- dolğun əhatə edilməsi,

- faktlardan istifadə və araşdırmanın keyfiyyəti,

- ifadə vasitələrinin zənginliyi,

- konkretlik,

- maarifləndiricilik və informasiyalılıq,

- cəmiyyətə nümunəvi, pozitiv mesajın ötürmə dərəcəsi,

- problemə fərqli yanaşma.

Qaliblər diplom və hədiyyələrlə (noutbuk) mükafatlandırılacaq.

Əlavə məlumat üçün müraciət edə bilərsiniz:

Telefon: (+99412) 498 80 93

E-mail:  informasiya.aqupdk@scfwca.gov.az