BDU tələbəsi parapauerliftinq üzrə dünya kubokunda gümüş medal qazanıb

Bakı Dövlət Universitetinin (BDU) Tarix fakültəsinin IV kurs tələbəsi Talib Zeynalov Gürcüstanın paytaxtı Tbilisidə keçirilən parapauerliftinq üzrə dünya kubokunda II yeri qazanıb. O, +107 kiloqram çəki dərəcəsində ümumi qaldırmada gümüş medala layiq görülüb.

Tələbəmiz ən yaxşı qaldırmada da fərqlənib. Belə ki, Talib Zeynalov şəxsi rekordunu 2 kiloqram yeniləyərək, 157 kiloqram nəticə göstərib.

Tələbəmizi təbrik edir, uğurlar arzulayırıq!