https://innews.media/uploads/news/2025-05/_innews_ef7f405289d0338a1b4795d38_o.jpg
Avropa kubokunun ikinci günündə fərdi gimnastların təsnifat mərhələsi başa çatdı. Çoxnövçülük üzrə böyüklər arasında baş tutan təsnifat yarışlarının nəticələrinə əsasən çarpaz qarşılaşmada mübarizə aparacaq 16 böyük fərdi gimnast müəyyənləşib. 1/8 final mərhələsində onlardan 8-i top, qalan 8-i isə halqa proqramı üzrə çıxış edəcək. Qaliblər öz növbəsində 1/4 final mərhələsinə vəsiqə qazanacaq. İndi isə sizə ulduz onaltılığı - qarşılaşacaq gimnastları təqdim edirik: Onofriçuk Taisiya & Seyidzadə Kamilla, Draqas Tara & Rona Lian, Karika Polina & Visner Hanna Panna, Rafaelli Sofiya & Valasevits Valeria, Piqnitski Fanni & Şalueva Aleksandra, Lisa Amalia & Verdes Andrea, Curaeva Lola & Nesterova Mişel, Munits Daniela & Malinova Dara.
Qarşılaşacaq idmançıların siyahısından göründüyü kimi çarpaz qarşılaşmalar çox maraqlı olacaq.
Hər birinizi Milli Gimnastika Arenasında bu həyəcana qoşulmağa dəvət edirik.
