ADPU-nun müəllimi Vytautas Magnus Universitetində dərslərdə iştirak edir

Azərbaycan Dövlət Pedaqoji Universitetinin (ADPU) Kimya və biologiya fakültəsinin dosenti, biologiya üzrə fəlsəfə doktoru Bəsti Əsədova Erasmus+ mübadilə proqramı çərçivəsində Litvanın Vytautas Magnus Universitetində keçirilən beynəlxalq həftədə iştirak edir.

22-27 aprel tarixlərində davam edəcək beynəlxalq həftədə ADPU-nun müəllimi Bəsti Əsədova Genetika, İnsan və heyvan morfofiziologiyası üzrə 8 saat dərs tədris edəcək, fakültə ilə tanış olacaq.

Qeyd edək ki, 5 noyabr 2022-ci il tarixində Litvanın Vytautas Magnus Universiteti ilə Azərbaycan Dövlət Pedaqoji Universiteti arasında Erasmus+ proqramı çərçivəsində (Fəaliyyət 1) tələbə/heyət mobilliyini həyata keçirmək məqsədilə müəssisələrarası müqavilə imzalanıb.