RMİD ilə ABMA arasında memorandum imzalanıb

Reklam və Marketinq Sahəsinin İnkişafına Dəstək İctimai Birliyi (RMİD) ilə Azərbaycan Bələdiyyələrinin Milli Assosiasiyaları (ABMA) arasında memorandum imzalanıb.

Martın 15-də Reklam və Marketinq Sahəsinin İnkişafına Dəstək İctimai Birliyi və Azərbaycan Bələdiyyələrinin Milli Assosiasiyaları arasında qarşılıqlı əməkdaşlıq əlaqələrinin qurulması məqsədilə görüş keçirilmişdir. Görüşdə yerli özünüidarəetmə orqanlarının reklam və marketinq sahəsində mövcud vəziyyəti təhlil edilərək bu istiqamətdə müzakirələr aparılıb.

Görüşün sonunda tərəflər arasında memorandum imzalanıb. RMİD-in İdarə Heyətinin sədri Xəyalə Mütəllimova və ABMA-nın əlaqələndirici koordinatoru Aydın Muradov tərəfindən imzalanmış memorandum ABMA ilə RMİD arasında faydalı əməkdaşlığın yaradılmasını, maraqların mübadiləsini və ikitərəfli münasibətlərin inkişafını özündə əks etdirir.