https://innews.media/uploads/news/2022-07/_innews_7a2076ac119bc36aabd80b0ba_o.jpg
“Mingəçevir Gənclər Evi” Sosial Xidmət Müəssisəsi və Gənclərin İnkişaf və Karyera Mərkəzinin Mingəçevir nümayəndəliyi mətbuat işçilərini təbrik edib.
"Mingəçevir işıqları" qəzetinin baş redaktoru, Əməkdar jurnalist Fərman Nəbiyev, qəzetin redaktoru Yeganə Nəbiyeva, "Alpaninfo" və "Yeniavaz" saytlarının bölgə müxbiri Esmira Hidayətovanın iştirak etdiyi görüşdə gənclərə milli mətbuatımızın yaranması, keçdiyi çətin və keşməkeşli inkişaf yolu ilə bağlı məlumat verilib. Mətbuatın cəmiyyətin güzgüsü olduğunu deyən mətbuat işçiləri jurnalistika sahəsinin çətinlikləri və informasiyanı xalqa və dünyaya çatdırmaqdakı roluna diqqət çəkib.
Gənclərin suallarını cavablandıran qonaqlar jurnalist olmaq istəyən və bu sahəyə yeni başlayan gənclərə öz tövsiyələrini verib, onları hər zaman operativ olmağa, dürüst və qərəzsiz mövqe nümayiş etdirməyə çağırıb.
Mətbuat işçilərimizi bir daha təbrik edir, onlara fəaliyyətlərində yeni uğurlar arzulayırıq. Qələminiz hər zaman iti olsun.
