https://innews.media/uploads/news/2023-11/_innews_033a3b471859e75293b35b03a_o.jpg
Regionda müşahidə edilən son proseslər Azərbaycan-Ermənistan danışıqlarının taleyini sülh müqaviləsinin imzalanmasına yönəldir.
Bu barədə AzTV-nin “HƏFTƏ” analitik-informasiya verilişində mövzu ilə bağlı yayımlanan süjetdə bildirilib.
Qeyd olunub ki, Qarabağda qanunsuz erməni silahlı qüvvələrinin ləğvindən və Qarabağın statusu ətrafında iddialara birdəfəlik son qoyulduqdan sonra sırada anklavlar, delimitasiya və demarkasiya, Azərbaycanın əsas hissəsilə Naxçıvan arasında kommunikasiyaların açılması kimi strateji məsələlər dayanır.
Ermənistanda bu istiqamətlər üzrə yaranmış pessimist ovqat rəsmi Bakının həm diplomatik, həm də hərbi sferada çox böyük üstünlüklərə sahib olması ilə bağlıdır.
AzTV regiondakı vəziyyəti, risklər və yaranmış yeni imkanları siyasi təhlilçilər olan Milli Məclisin deputatları ilə müzakirə edib.
