https://innews.media/uploads/news/2022-12/_innews_32c03c295c6ec349f86cb2cbb_o.jpg
2022-ci il güləş hakimlərimiz üçün də uğurlu alındı.
Təsadüfi deyil ki, bir neçə referimiz beynəlxalq dərəcəsini yüksəldib. Geridə qoyduğumuz il ərzində keçirilən yarışların, seminarların və imtahanların nəticələrinə əsasən, 4 referimiz beynəlxalq dərəcəsini artırıb. Vüqar Şükürovla Kamran Əliyev I kateqoriyaya yüksəlib. Bununla da bu dərəcəyə sahib hakimlərimizin sayı 4-ə çatıb. Əli Babayev və Xəzər Allahverdiyev isə II kateqoriyaya sahib çıxıb. Hal-hazırda bu dərəcədə olan ədalət təmsilçilərimizin sayı 7-yə bərabərdir.
Bundan başqa, daha iki hakimimiz beynəlxalq dərəcəli referi statusu alıb. İyulda Xorvatiyanın paytaxtı Zaqrebdə keçirilən U-15 Avropa çempionatında ədaləti qoruyan Sevinc Yusibova ilə Firqət İbrahimov III kateqoriyalı beynəlxalq hakim ünvanına yiyələniblər.
Qeyd edək ki, Yusibova Azərbaycan güləş tarixinin ilk beynəlxalq dərəcəli qadın referisidir.
Ən son xəbərləri səhifəmizdən də izləyin
