https://innews.media/uploads/news/2022-11/_innews_712d1d4c5287faf7747737067_o.jpg
Noyabrın 29-da Mənəvi Dəyərlərin Təbliği Fondunun təşkilatçılığı ilə həyata keçirilən "Mənəvi dəyərlərimiz və gənclik" adlı üçgünlük seminar öz işini davam etdirib.
Qazax, Ağstafa, Tovuz və Şəmkirdən olan gənclərin iştirakı ilə keçirilən tədbirin ikinci günündə Şəmkir rayonunda yerləşən Şəhidlər Xiyabanı, Alman İrsi Mərkəzi, yerli əhəmiyyətli tarixi-memarlıq abidəsi kimi qorunan Alman Lüteran Kilsəsi ziyarət edilib. Daha sonra seminar iştirakçıları ilə birlikdə ölkə əhəmiyyətli tarixi abidə olan Şəmkir qalasına ekskursiya təşkil olunub. Tarixi eramızdan əvvəlki dövrlərə gedib çıxan və Arran memarlıq məktəbi üslubunda tikilən qala barəsində gənclərə ətraflı məlumat verilib.
Ən son xəbərləri səhifəmizdən də izləyin
