Adriel Ba Loua "Qəbələ"dən ayrılıb

Kot-d'İvuar millisinin üzvü Adriel Ba Loua ilə "Qəbələ" arasında bağlanmış müqavilənin müddəti başa çatıb.

"innews media" xəbər verir ki, 2025-ci ilin yayından etibarən "qırmızı-qaralar"ın formasını geyinən yarımmüdafiəçi bu müddət ərzində komandanın heyətində 35 rəsmi oyunda meydana çıxıb.

Adriel Ba Loua Premyer Liqada 30, ölkə kubokunda 4 və pley-off mərhələsində 1 görüşdə iştirak edib. Futbolçu bu oyunlarda 4 qol vurub, 11 məhsuldar ötürmə ilə yadda qalıb.

"Qəbələ" İdman Klubu futbolçuya göstərdiyi xidmətlərə görə təşəkkür edib və gələcək karyerasında uğurlar arzulayıb.