https://innews.media/uploads/news/2026-04/_innews_cdfc28cd3f5f0824fd6b82d88_o.jpg
Azərbaycan Milli Elmlər Akademiyasının (AMEA) Mərkəzi Elmi Kitabxanasının (MEK) 2026-ci ilin ilk “İnformasiya bülleteni” çapdan çıxıb.
Nəşrdə 2026-ci ilin birinci rübündə MEK fonduna daxil olan Azərbaycan, rus, ingilis və digər dillərdə kitablar, dövri nəşrlər, avtoreferatların biblioqrafik mənbələri haqqında məlumatlar əks olunub.
AMEA-nın "Elm" nəşriyyatında çap olunan nəşrin elmi redaktoru MEK-in direktoru texnika elmləri doktoru, dosent Hüseyn Hüseynovdur.
Bülletenə, BDU-nun İnformasiya və sənəd menecmenti fakültəsinin dosenti, tarix üzrə fəlsəfə doktoru Solmaz Sadıqovanın “Biblioqrafik resursların sənəd menecmentində rolu: (“Qarabağ müharibəsi qəhrəmanları fondu” nümunəsində) adlı elmi məqaləsi daxil edilib.
Bülletenin sonunda 2026-ci ilin yanvar-mart aylarında keçirilən tədbirlərin xronikası yer alır. Tədbirlərlə bağlı ətraflı materiallara keçidlər isə müvafiq QR-kodlar vasitəsilə təqdim olunub.
