https://innews.media/uploads/news/2026-03/_innews_50662863d34e445daa7386090_o.jpg
Martın 17-də Səməd Vurğunun Ev-Muzeyində «Gənc Şairlər» layihəsi çərçivəsində görkəmli Azərbaycan şairinin 120 illik yubileyinə həsr olunmuş ədəbi-musiqili tədbir keçirilib. Tədbir gənc istedadları və poeziya həvəskarlarını bir araya gətirərək yaradıcı və ilhamverici mühit yaradıb.
Tədbiri muzeyin direktoru Vurğun Vəkilov açaraq qonaqları salamlayıb, Novruz bayramı münasibətilə təbrik edib və şairin yubileyinin geniş miqyasda qeyd olunduğunu vurğulayıb. Daha sonra söz “Gənc Şairlər” layihəsinin rəhbəri Lalə Həsənovaya verilib.
Lalə Həsənova çıxışında bildirib ki, iştirakçılar proqramı dörd dildə — azərbaycan, rus, ingilis və fransız dillərində — hazırlayaraq Səməd Vurğunun əsərlərini müxtəlif interpretasiyalarda təqdim ediblər. O, həmçinin layihəyə göstərilən dəstəyə görə muzey rəhbərliyinə təşəkkürünü bildirib və uşaqların yaradıcılıq inkişafı üçün yaradılan şəraiti yüksək qiymətləndirib.
Tədbirdə layihənin gənc iştirakçıları çıxış ediblər: Kamal Isgəndərli, Cahan Isgəndərli, Tamerlan Isgəndərli, Ayxan Rasulzadə, Gövhər Ələkbərli, Cənnət Məmmədova, Fatimə Kərimli, Iradə Hasilova, Emiliya Məmmədova, Alisa Tişkeviç, Aliyə Tağiyeva, Amina Hüseynbəyli, Safiya Omarova, Əsmər Ibadova, Yasmin Dayanova, Banu Qorçiyeva, Məryəm Babayeva, Tamilla Axmedova, Ayan Amiraslanli, Diana Xanməmmədli, Əzizə Məmmədova, Xədicə Nağıyeva, Elmira Asadova, Ibrahim Alimzadə, Fateh Məmmədov, Fərəhxanim Məmmədova, Nariman Ərzimanov, Emiliya Qasımova, Imran Şixiyev, Ayla Ələkbərli, Emine Karadağ və Kamilə Məhərrəmova.
Proqramın musiqi hissəsində İradə Hasilova Tofiq Quliyevin “Göl kənarında” əsərini, İmran Şixiyev isə Arif Məlikovun prelüdiyasını ifa edib.
Tədbirin sonunda bütün iştirakçılar təşəkkür sertifikatları ilə təltif olunub, layihə rəhbəri Lalə Həsənova isə fəxri fərmanla mükafatlandırılıb.
Bu ədəbi-musiqili tədbir gənc istedadları və poeziya həvəskarlarını bir araya gətirərək Səməd Vurğunun irsinin yeni nəsil üçün əhəmiyyətini bir daha vurğulayıb.
