Röya Ayxan “Sən və Mən” mahnısını akustik formatda təqdim edib

Xalq artisti Röya Ayxan “Sən və Mən”i akustik formatda təqdim edib.

Sənətçi “Sən və Mən” adlı mahnısının akustik versiyasını dinləyicilərin ixtiyarına verib. Canlı ifa formatında hazırlanan layihə sadə səhnə quruluşu və səmimi atmosferi ilə seçilir.

Mahnının sözləri Rəşad Dağlıya, musiqisi Nazim Məmmədova məxsusdur. Akustik ifanın rejissoru Kemal Başbuğdur. Layihədə peşəkar musiqiçilərdən ibarət heyət iştirak edib.

Qeyd edək ki, akustik versiya artıq onlayn platformalarda yayımlanıb.