Mingəçevir gənclərindən daha bir möhtəşəm tamaşa!

Gənclərin İnkişaf və Karyera Mərkəzinin Mingəçevir nümayəndəliyinin istedadlı gəncləri bu dəfə Andre Moruanın “Tanatos mehmanxanası” hekayəsinin motivləri əsasında hazırlanan “Otaq 113” tamaşası ilə izləyicilərin qarşısına çıxıb.

Bərdə Regional Mədəniyyət İdarəsi, Mingəçevir şəhər Gənclər və İdman İdarəsi, "Mingəçevir Gənclər Evi" Sosial Xidmət Müəssisəsi, Gənclərin İnkişaf və Karyera Mərkəzinin Mingəçevir nümayəndəliyi və "İşıqlı Gələcək" GİB-in birgə təşkilatçılığı ilə keçirilən və iki aydır ki, davam edən “Teatr laboratoriyası” layihəsi gənclər tərəfindən hazırlanan tamaşa ilə başa çatıb.

Mingəçevirdə yaşayan və təhsil alan, şəhərin sakinləri və qonaqlarının izlədiyi tamaşa Mingəçevir Dövlət Dram Teatrında səhnəyə qoyulub. “Otaq 113” tamaşasında baş verən hadisələri təsirli və poetik dillə tamaşaçılara təqdim edən gənclər cəmiyyətə həyatın nə qədər şirin və dəyərli olduğu mesajını verib.