https://innews.media/uploads/news/2025-10/_innews_3e3b06735efe720204ef3c63f_o.jpg
Mediasiya Şurasının əməkdaşları Qeyri-Hökumət Təşkilatlarına Dövlət Dəstəyi Agentliyinin təşkilatçılığı ilə keçirilən qeyri-hökumət təşkilatlarının VI İnkişaf və Mübadilə Proqramında iştirak edirlər. Proqram çərçivəsində iştirakçılar arasında fikir və təcrübə mübadiləsi, vətəndaş cəmiyyəti institutlarının inkişafı ilə bağlı müzakirələr keçirilir.
Tədbirdə Mediasiya Şurasını həmçinin Avrasiya Hüquqşünaslar Assosiasiyasında ictimai fəaliyyətlə məşğul olan İctimai Birliyin İdarə heyətinin üzvü Əli Fərzəliyev və Gənc Hüquqşünaslar İctimai Birliyində ictimai fəaliyyətlə məşğul olan, İdarə Heyətinin sədri Kamil Lətifov təmsil edir.
Onlar proqram çərçivəsində təşkil olunan sessiyaların ilk günündə fəal iştirak edib, peşəkar bilik və bacarıqlarını bölüşür və qarşılıqlı əməkdaşlıq imkanlarını müzakirə ediblər.
Proqram qeyri-hökumət təşkilatlarının institusional inkişafı, şəbəkələşmə və təcrübə mübadiləsi baxımından əhəmiyyətli platforma rolunu oynayır.
