Masallı şəhər 4 saylı körpələr evi-uşaq bağçasına baxış

Masallı şəhər 4 saylı körpələr evi-uşaq bağçasına baxış Masallı şəhər 4 saylı körpələr evi-uşaq bağçasına baxış https://innews.media/az/news/id-46711

09 may 2025-ci il tarixdə Masallı rayon İcra Hakimiyyətinin başçısı Araz Əhmədov və Lənkəran-Astara Regional Təhsil idarəsinin müdiri Bəhruz Mehdiyev Masallı şəhər 4 saylı körpələr evi-uşaq bağçasında yaradılmış şəraitlə tanış olmuşlar.
Ziyarət zamanı rayon rəhbəri ilə birlikdə regional idarənin müdiri də bağçanın pedaqoji kollektivinə və körpələrə uğurlar arzulamışlar.
Bildiririk ki, Masallı şəhər 4 saylı körpələr evi-uşaq bağçası 6 qrup üzrə, 140 yerlik olmaqla fəaliyyət göstərir. 1980-ci ildə inşa edilmiş binanın yenidən tikintisi Heydər Əliyev Fondunun təşəbbüsü və Millət vəkili Məşhur Məmmədovun maliyyə dəstəyi ilə həyata keçirilmişdir. 2023-cü ilin 9 may tarixində Ümummilli lider Heydər Əliyevin 100 illik yubileyi münasibətilə yeni binanın açılış mərasimi keçirilmişdir. 
Hal-hazırda bağçada 6 qrup üzrə 109 nəfər uşağın təlim-tərbiyəsi ilə 12 tərbiyəçi məşğuldur.

 

İsrafil Əlihüseyn oğlu Şükürov,
Leqal.az saytının Baş redaktoru.
Azərbaycan Jurnalistlər Birliyinin üzvü.
MASALLI.