BDU-nun elmi işçisi arı xəstəliklərinə dair konfransda çıxış edib

Bakı Dövlət Universitetinin (BDU) Tədqiqat, İnkişaf və İnnovasiyalar üzrə Mükəmməllik Mərkəzinin Hüceyrə kulturası və genom redaktəsi elmi-tədqiqat laboratoriyasının (ETL) elmi işçisi Elvira Təhməzli Peşəkar Arıçılar Birliyi və “Qinyətoğulları” arıçılıq təsərrüfatının təşkilatçılığı ilə keçirilən "Arı xəstəliklərindən irəli gələn problemlərin həlli yolları" mövzusunda elmi-praktiki konfransda "Arı xəstəliklərinin diaqnostikasının əhəmiyyəti" mövzusunda çıxış edib.

Şəki şəhərində baş tutan tədbirdə Azərbaycan Arıçılar Assosiasiyasının, KOBİA-nın nümayəndələri, Qazaxıstanın Almatı şəhəri Arıçılar Birliyinin sədri Larisa Siqunova, Rusiya Federasiyasının N.V.Rudnitski adına Şimal-Şərq Federal Kənd Təsərrüfatı Elmi Mərkəzinin Arıçılıq laboratoriyasının rəhbəri Anna Brandorf və İsrailin Kənd Təsərrüfatı Tədqiqat Təşkilatının Entomologiya İnstitutunun baş elmi işçisi Viktoriya Soroker də iştirak ediblər.