Azərbaycan Milli Elmi Komandası 76-cı Beynəlxalq Astronavtika Konqresinə rekord sayda elmi məqalə ilə qatılır!

Azərbaycan Milli Elmi Komandası 76-cı Beynəlxalq Astronavtika Konqresinə rekord sayda elmi məqalə ilə qatılır! Azərbaycan Milli Elmi Komandası 76-cı Beynəlxalq Astronavtika Konqresinə rekord sayda elmi məqalə ilə qatılır! https://innews.media/az/news/id-45340

Bu il Avstraliyanın Sidney şəhərində keçiriləcək 76-cı Beynəlxalq Astronavtika Konqresində (BAK) Azərbaycanı təmsil edəcək Milli Elmi Komanda 632 elmi məqalə ilə iştirak edəcək. Bu barədə Azərbaycan Kosmik Agentliyi – “Azərkosmos” nəzdində fəaliyyət göstərən KOSMİK Akademiyanın rəhbəri İmran Muxtarov mətbuat konfransında məlumat verib.

Azərbaycan ABŞ-dan sonra ikinci yerdə

“2023-cü ildə Bakıda keçirilən 74-cü BAK-a 95 ölkədən 3600 elmi məqalə təqdim olunmuşdu. Azərbaycan həmin tədbirdə 214 məqalə ilə ABŞ, İtaliya, Hindistan və Çindən sonra 5-ci yerdə qərarlaşmışdı. Bu il isə 632 məqalə ilə ABŞ-dan sonra ikinci yeri tuturuq”, – deyə İmran Muxtarov bildirib.

KOSMİK Akademiyanın uğurları

6 ayda 8 beynəlxalq layihə həyata keçirilib

340 orta məktəblə əməkdaşlıq qurulub

14 universitet və 2200 tələbə ilə sıx əməkdaşlıq mövcuddur

9 gənclər təşkilatı ilə birgə layihələr icra olunur

Bu uğurlar Azərbaycanın elm və texnologiya sahəsində qlobal miqyasda mövqeyini möhkəmləndirir və gənclərin kosmos sahəsinə olan marağını artırır.