https://innews.media/uploads/news/2025-02/_innews_754b0f5c7c06a411da00994d5_o.jpg
Bakı Dövlət Universitetinin Elmi Kitabxanasının təşkilatçılığı ilə Xocalı soyqırımının 33-cü ildönümünə həsr olunmuş “Xocalı soyqırımı - XX əsrin ən dəhşətli faciəsi” adlı foto və kitab sərgisi açılıb.
Sərgidə Xocalı faciəsinin dəhşətlərindən bəhs edən, Ermənistanın hərbi-siyasi cinayətləri, həyata keçirdiyi işğalçılıq siyasətini tarixi faktlarla sübuta yetirən 50-yə yaxın nəşr nümayiş olunur. Sərgidə həmçinin Xocalı ağrısını özündə əks etdirən 30-dək tarixi fotoşəkil də təqdim olunur.
Xocalıda baş verənlərin xatırlanması, yaddaşların təzələnməsi məqsədi daşıyan sərgi həftənin sonunadək ziyarətçilərin üzünə açıq olacaq.
