Akademik Musiqili Teatrın "Qadınım" tamaşası Gəncədə göstəriləcək - VİDEO

16 dekabr saat 19:00-da Fikrət Əmirov adına Gəncə Dövlət Filarmoniyasında Azərbaycan Dövlət Akademik Musiqili Teatrının “Qadınım” tamaşası nümayiş olunacaq.
Türk dünyasının tanınmış yazıçı-dramaturqu Tuncər Çücənoğlunun “Matryoşka” pyesi əsasında hazırlanan bu tamaşanın quruluşçu rejissoru İradə Gözəlovadır.
Səhnə əsərinin süjet xəttində sevgi və ehtiras dolu iki aşiqdən bəhs olunur.
Türk retro müsiqilərinin səsləndirildiyi "Qadınım"da Əməkdar artist Nigar Şahmuradova, gənc aktyorlar Əmrah Dadaşov və Gültac Əlili, həmçinin teatrın xor artistləri iştirak edəcəklər.
Tamaşasının quruluşçu rəssamı Vüsal Rəhim, xormeysteri Məlahət Qasımova, musiqi tərtibatçısı Əmrah Dadaşovdur.