“Ömür dastanının boyları” adlı kitab çapdan çıxıb

“Ömür dastanının boyları” adlı kitab çapdan çıxıb “Ömür dastanının boyları” adlı kitab çapdan çıxıb https://innews.media/az/news/id-35639

Azərbaycan Milli Elmlər Akademiyası Nizami Gəncəvi adına Ədəbiyyat İnstitutunun “Ədəbiyyatşünaslıq plyus” Yaradıcılıq Birliyinin əməkdaşı, Azərbaycan Yazıçılar Birliyinin və Azərbaycan Jurnalistlər Birliyinin üzvü, Prezident təqaüdçüsü İbrahim Yusifoğlunun 70 illiyinə həsr olunmuş “Ömür dastanının boyları” kitabı işıq üzü görüb.

Kitab Ədəbiyyat İnstitutunun Elmi Şurasının qərarı ilə çap edilib.

Nəşrin elmi redaktoru professor Vüqar Əhməd, rəyçiləri professor Akif İmanlı, filologiya elmləri doktoru Salidə Şərifova, naşiri isə Qəşəm İsabəylidir.

AMEA-nın prezidenti akademik İsa Həbibbəylinin “İbrahim Yusifoğlunun poetik dünyası və uğurları” məqaləsində yubliyarın yaradıcılıq fəaliyyətinə geniş şərh verilib.

Kitabda “Qızıl qələm” media mükafatı laureatı, Azərbaycan Respublikasının Qabaqcıl Təhsil işçisi Yusifov İbrahim Yusif oğlunun 70 illik yubileyi münasibətilə yazılan məqalə və şeirlər yer alıb. Topluda İbrahim Yusifoğlunun nəzm, nəsr, publisistika nümunələri, mənzum nağıl və pyesləri haqqında hərtərəfli təhlillər aparılıb, yubliyara ithaf edilmiş poetik nümunələrə yer verilib.