“Milli Məclisə seçkilərdə qadınların fəallığının yüksəldilməsi” mövzusunda görüşlər keçirilir

Ailə, Qadın və Uşaq Problemləri üzrə Dövlət Komitəsi tərəfindən “Bərabər İnkişaf Naminə” Koalisiyanın müraciətinə əsasən Mərkəzi Seçki Komissiyası ilə əməkdaşlıq çərçivəsində Bakı şəhərində və regionlarda “Milli Məclisə seçkilərdə qadınların fəallığının yüksəldilməsi” mövzusunda görüşlər keçirilir.

İlk olaraq Bakı şəhərinin Səbail, Sabunçu, Suraxanı, Pirallahı, Nizami və Qaradağ rayonlarında görüşlər keçirilib.

Görüşlərdə Dövlət Komitəsinin sədr müavini Sədaqət Qəhrəmanova, “Bərabər İnkişaf Naminə” Koalisiyanın rəhbəri, Gender və İqtisadiyyat İB-nin sədri Təranə Kərimova və Koalisiyanın üzvləri -“Gənc Demokratlar” İnstitutunun sədri, politoloq Yeganə Hacıyeva, “Kamillik” Cəmiyyətinin sədri Əsmətxanım Məmmədova, “Vətəndaşların Sosial Rifahının Gücləndirilməsinə Dəstək” İB-nin təsisçisi Aygün Səmədova, AMEA-nın Şərqşünaslıq İnstitutunun böyük elmi işçisi Sevinc Nuriyeva, “Ekoloji Maarifçilik Monitorinq” İctimai Birliyinin sədri Qəmzə Yusifova, həmçinin yerli icma və bələdiyyə üzvləri iştirak edib.

Qeyd edək ki, Bakı şəhəri və regionları əhatə edən görüşlər avqust ayının sonunadək davam edəcək.