Akademik Şahin Mustafayev 2024-cü il üçün Türk dünyasının mədəniyyət paytaxtının seçilməsi münasibətilə təşkil olunmuş tədbirə qatılıb

Beynəlxalq Türk Akademiyasının prezidenti akademik Şahin Mustafayev Türkmənistanın Anev şəhərində elmi ezamiyyətdə olub.

O, 2024-cü il üçün “Türk dünyasının mədəniyyət paytaxtı” seçilməsi münasibətilə təşkil olunmuş tədbirdə iştirak edib.

Tədbirdə Beynəlxalq Türk Mədəniyyəti Təşkilatı (TÜRKSOY) tərəfindən hər il müəyyən edilən “Türk dünyasının mədəniyyət paytaxtı” statusu bu il Anev şəhərinə verilib.

Qeyd edək ki, 2022-ci il martın 31-də Türkiyə Respublikasının Bursa şəhərində TÜRKSOY-a üzv ölkələrin Mədəniyyət Nazirlərinin Daimi Şurasının növbədənkənar iclasında Azərbaycanın mədəniyyət paytaxtı Şuşa şəhəri 2023-cü il üçün “Türk dünyasının mədəniyyət paytaxtı” elan edilmişdi.