Tovuzda "7-dən 77-yə" istedadlılar öz bacarıqlarını təqdim etdilər

QHT Dövlət Dəstəyi Agentliyinin Maliyyə Dəstəyi ilə istedadlıları tanıyaq və tanıdaq İB-nin regionlarda “7-dən 77-yə" layihəsi ilk olaraq Tovuzda reallaşdırıb.

Tədbirdə Qazax-Tovuz Regional Mədəniyyət İdarəsi, Tovuz rayon İcra Hakimiyyətinin nümayəndələri və rayon ictimaiyyəti iştirak ediblər.

Tovuz Tarix -Diyarşünaslıq Muzeyində keçirilən müsabiqədə Qazax, Ağstafa, Tovuz rayonlarından 7 yaşdan 77 yaşadək müxtəlif nominasiyalar üzrə əl işləri, rəsmlərdən ibarət sərgilər təqdim olunmaqla yanaşı, aşıq sənəti, nəfəs alətləri, bədii qiraət, musiqi ifaçılığı üzrə də çıxışlar dinlənilib. Qaliblər nəticələr elan olunduqdan sonra qiymətli hədiyyələrlə mükafatlandırılacaqlar.