Böyüklərdən və gənclərdən ibarət milli yığma komandaların Göygöl şəhərində birgə təlim-məşq toplantısı başlayıb

7 mart 2022-ci ildə Göygöl Olimpiya Kompleksində böyüklərdən və gənclərdən ibarət milli yığmaların birgə təlim-məşq toplantısına start verilib.

85 cüdoçunun cəlb edildiyi təlim-məşq toplantısının əsas məqsədi idmançıların bacarıqlarını təkmilləşdirmək ilə yanaşı, 1-3 aprel 2022-ci il tarixlərində Antalya Böyük Dəbilqə turnirinə, eyni zamanda, 29 aprel – 1 may 2022-ci il tarixlərində Bolqarıstanda keçiriləcək Avropa çempionatına hazırlıq məqsədi daşıyır.

Qeyd edək ki, təlim-məşq toplantısı, gənclər arasında Azərbaycan birinciliyi başa çatdıqdan sonra yenidən formalaşdırılmış gənclərdən ibarət milli yığmanın ilk təlim məşq toplanışıdır. Yaxın gələcəkdə milli yığmanın gənc üzvləri də beynəlxalq turnirlərdə iştirak edəcəklər.

Təlim-məşq toplanışı mart ayının 19-na kimi davam edəcək.