Binəqədi Gənclər Evində "Yüksəl" təcrübə proqramının bağlanış mərasimi keçirilib

Binəqədi Gənclər Evində Azərbaycan Respublikasının Gənclər və İdman Nazirliyinin dəstəyi, Binəqədi Gənclər Evinin və Binəqədi Rayon Gənclər və İdman İdarəsinin təşkilatçılığı ilə "Yüksəl” təcrübə proqramının bağlanış mərasimi təşkil olunub.

Tədbirdə "Binəqədi Gənclər Evi" sosial xidmət müəssisəsinin direktoru Günel Həsənova, Binəqədi rayon Gənclər və İdman İdarəsinin rəisi Namiq Tarverdiyev və təcrübəçilər iştirak edib.

Açılış nitqi ilə çıxış edən Binəqədi Gənclər Evinin direktoru G.Həsənova və Binəqədi Rayon Gənclər və İdman İdarəsinin rəisi N.Tarverdiyev gəncləri təbrik edib, onlara uğurlar arzulayıb.

Gənclər layihə müddətində keçirilən təlimlərin, görüşlərin, infoturların faydasından, bu müddətdə qazandıqları təcrübədən danışıblar.

Daha sonra layihə iştirakçıları üçün hazırlanan videoçarx izlənib.

Sonda iştirakçılara sertifikat təqdim olunub.

Nəzərinizə çatdıraq ki, layihə çərçivəsində 35-dən çox gənc iştirak edib və onlara gənclər və idman tədbirləri, intellektual yarışların keçirilmə qaydaları, həmçinin dövlət qulluğu, sertifikasiya və müsahibə mərhələləri haqqında məlumat verilib.