https://innews.media/uploads/news/2025-12/_innews_f2d8e22597a52c61e50bb6046_o.jpg
“Nadir İncilər – İpəklə gümüşün harmoniyası” tədbiri çərçivəsində “AzerGold” QSC-nin İdarə Heyətinin sədri Zakir İbrahimov çıxışı zamanı şirkətin fəaliyyətinə dair iqtisadi baxımdan mühüm göstəriciləri açıqlayıb.
"innews media" xəbər verir ki, sədrin sözlərinə görə, “AzerGold” QSC-nin 2025-ci ildə dünya və yerli bazarlarda ümumi satışlarının həcmi 431 milyon manat təşkil edib.
Zakir İbrahimov bildirib ki, dövlət şirkəti fəaliyyət göstərdiyi dövr ərzində ölkə iqtisadiyyatına ümumilikdə 1,9 milyard manat həcmində vəsait cəlb edib. Onun sözlərinə görə, əldə olunan bu nəticələr “AzerGold”un ölkənin qeyri-neft sektorunun inkişafında və iqtisadi diversifikasiyanın gücləndirilməsində mühüm rol oynadığını göstərir.
