https://innews.media/uploads/news/2025-08/_innews_6beb78e0df29c4284cb17b71e_o.jpg
Bu gün saat 11:03-də Göyçay rayonunda zəlzələ qeydə alınıb.
Respublika Seysmoloji Xidmət Mərkəzinin məlumatına görə, yeraltı təkan İsmayıllı stansiyasından 35 km cənub-qərbdə baş verib, maqnitudası 4, dərinliyi isə 16 km olub.
Zəlzələlərin Tədqiqatı Bürosunun açıqlamasına əsasən, təkanlar episentrdə – Göyçay rayonunda 4 bala yaxın, Qəbələ, Ağdaş və ətraf məntəqələrdə isə 3 bala qədər hiss olunub.
Fövqəladə Hallar Nazirliyi bildirib ki, hadisə ilə bağlı Böhran Vəziyyətlərində İdarəetmə Mərkəzinə daxil olan məlumata görə, heç bir dağıntı və ya insan xəsarəti qeydə alınmayıb.
