"Xəzər" Biennalesi Platforması çərçivəsində təsviri incəsənət sərgisi açılacaq

"Xəzər" Biennalesi Platforması çərçivəsində təsviri incəsənət sərgisi açılacaq "Xəzər" Biennalesi Platforması çərçivəsində təsviri incəsənət sərgisi açılacaq https://innews.media/az/news/id-36500

Oktyabrın 1-də saat 16:00- da "Xəzər" Biennalesi Platforması çərçivəsində  Azərbaycan Milli İncəsənət Muzeyində Azərbaycan Respublikasının Mədəniyyət Nazirliyi, Azərbaycan Rəssamlar İttifaqı və Beynəlxalq Rəssamlar Klubu tərəfindən təşkil edilən  təsviri incəsənət sərgisi açılacaq. Sərgidə Azərbaycan, Qazaxıstan, Özbəkistan, Tacikistan, Türkmənistan, Qırğızıstan, Türkiyə, Bəhreyn və Macarıstandan olan rəssamların əsərləri nümayiş olunacaq.

Bu sərgi region ölkələrinin mədəni müxtəlifliyini yeni bir baxış bucağından təqdim edir. O, milli kimliyin sənət vasitəsilə araşdırılması, xəyal edilən coğrafiyalar və tarixlə müasirlik arasındakı əlaqələrin alternativ şərhləri üzərində cəmləşir. Müasir incəsənət burada təkcə rəssamların fərdi təəssüratlarını əks etdirmir, həm də cəmiyyətin kollektiv şüurunun bir səsi kimi çıxış edərək əsas sualları ortaya qoyur: Biz kimik və hara gedirik? Tarix və mədəniyyətimizdəki keçid dövrü sona çatdımı?

Sərgidə müxtəlif forma, janr və mövzulara aid əsərlər təqdim olunur və hər bir rəssam özünəməxsus mərkəz nöqtəsini tapmağa çalışır. Sənət, onu yaradan və inkişaf etdiyi cəmiyyətdən ayrı deyil. Onların qarşılıqlı təsirində yeni mənalarvə istiqamətlər yaranır. Sərgi realizmdən abstraksiyaya və sürrealizmə qədər olan geniş sənət axınlarını, həmçinin konseptual axtarışları nümayiş etdirir.

Xüsusi diqqət, rəssamların gündəlik həyatımızda gözədəyməyən qeyri-adi məqamları necə aşkar etdiklərinə yönəlib. Onların əsərlərində ənənəvi mədəniyyət elementləri mifoloji düşüncə, sufizm və simvolizmlə birləşərək müasir kontekstəgətirilir. Bir çox əsərdə Şərq dünyagörüşünə xas olan müşahidəvə reallıqdan uzaqlaşma arzusu öz əksini tapır. Regionda qərbvə şərq ideyalarının unikal sintezi, müasir mədəni kimliyin formalaşmasına mühüm töhfə verir.

Azərbaycan Respublikasının Mədəniyyət Nazirliyi, Azərbaycan Milli İncəsənət Muzeyinin dəstəyilə , Azərbaycan Rəssamlar İttifaqı və Beynəlxalq Rəssamlar Klubu tərəfindən təşkil edilən  sərgi çərçivəsində nəzəriyyəçilər və sənətçilərin müasir incəsənətin aktual məsələlərini müzakirə edəcəyi panel diskussiyaları  də keçiriləcək.  "Xəzər" Biennalesi Platforması, incəsənət nailiyyətlərini nümayiş etdirmək və yaradıcılıq haqqında dialoq aparmaq üçün vacib bir platformadır.

Sərgi 2024- ci ilin oktyabrın 15-dək Azərbaycan Milli İncəsənət Muzeyində davam edəcək. Hamını bu sərgini ziyarət etməyə dəvət edirik – region ölkələri arasında qonşuluq və mədəni əməkdaşlığın rəmzi olan bu tədbirdə iştirak edin!