https://innews.media/uploads/news/2024-07/_innews_508a73941799e9cc53765efbf_o.jpg
Aparıcı mobillik platforması olan Bolt, seçilmiş avtoparklar üçün yeni elektromobilllər təqdim edərək təşəbbüs irəli sürür. 2024-cü ilin iyul ayından başlayaraq, Boltun elektromobillərin bütün Avropada paylanması üzrə ambisiyalı planı çərçivəsində yeni avtomobillər Bakı və digər şəhərlərin küçələrində əlçatan olacaq.
Bolt proqramında 20-dən çox markalı premium elektromobil, Boltun Azərbaycandakı bazasında isə 300-ə yaxın sıfır emissiya səviyyəli avtomobil təqdim ediləcək. Hazırda bu pilot layihədir, gələn il biz daha çox avtomobil əlavə etməyi planlaşdırırıq.
- Bolt şirkətinin Azərbaycanda səfər sifarişi xidmətinin rəhbəri Naim Əzizov qeyd edir: "Bolt, sıfır emissiyalı avtomobillərə keçid üçün uzunmüddətli investisayalar çərçivəsində Avropa üzrə platformasına daha da çox elektromobillər əlavə etməyə səy göstərir. Bu layihənin Azərbaycanda işə salınması bu istiqamətdə mühüm addımdır. Avtoparklara yeni avtomobillər təqdim etməklə, biz regionun sıfır emissiyalı müasir nəqliyyat ehtiyacını ödəyirik. Bu pilot layihə təkcə Azərbaycanın “yaşıl” inkişaf məqsədlərini dəstəkləmir, həm də şəhər mobilliyi sahəsində ətraf mühit üçün zərərsiz həllər yaratmaq öhdəliyimizi əks etdirir. İnanırıq ki, bu səfər sifarişi xidməti tullantıları azaldaraq, daha təmiz şəhərlər yaratmağa kömək edərək ekoloji cəhətdən təmiz nəqliyyat vasitələrinə keçiddə hərəkətverici qüvvə bilər".
Bolt şirkəti uzunmüddətli perspektivdə 2040-cı ilə qədər sıfır karbon qazı emissiya edən şirkət olmağa çalışır. Platformaya elektromobillərin əlavə edilməsi bu məqsədə nail olmaq üçün çox vacib addımdır, çünki istixana qazı emissiyalarının böyük hissəsi Boltun səfər sifarişi xidmətlərindən qaynaqlanır. Bolt hazırda Avropa və Afrikanın 70-dən çox şəhərində Green və Electric kateqoriyalarında tam elektrik, hibrid və plug-in hibrid avtomobillər təklif edir.
