https://innews.media/uploads/news/2024-07/_innews_5e5f111324a62aad96ff59796_o.jpg
ABŞ Nümayəndələr Palatasının erməni əsilli üzvü Ana Eşu və ermənipərəst üzvü Kristofer Smitin həmmüəllifliyi ilə bu günlərdə Azərbaycana qarşı yeni, qərəzli “Dağlıq Qarabağın erməni əhalisinə qarşı etnik təmizləmə kampaniyası həyata keçirdiyi üçün Azərbaycanın qınanması” adlı layihə irəli sürmüşlər.
Azərbaycan Milli QHT Forumun İdarə Heyətinin sədri Ramil İskəndərlinin fikrincə, bu hadisəni Azərbaycana qarşı koordinasiyalı kampaniya kimi səciyyələndirilə bilər.
Erməni lobbisinin təsiri altında olan ABŞ Konqresinin Azərbaycana qarşı selektiv və qərəzli yanaşma nümayiş etdirdiyi görünür. Bu qərəzi aşağıdakı faktorlarla izah etmək olar:
Erməni lobbisinin təsiri
Provokativ Təşəbbüslər: Erməni konqresmen Ana Eşu Kristofer Smitlə birlikdə irəli sürdüyü bu təşəbbüs erməni lobbisinin təsiri altında olan bir sıra təşəbbüslərin bir halqası kimi qiymətləndirmək olar.
Koordinasiya olunan səylər: Müxtəlif beynəlxalq QHT-lərin İnsan haqları ilə bağlı hesabatların qətnamə ilə üst-üstə düşməsi Azərbaycana qarşı vahid hekayə təqdim etmək üçün koordinasiya olunan səylərin həyata keçirilməsi deməkdir. Bu, təşəbbüslərin qərəzsizliyi və müstəqilliyi ilə bağlı suallar doğurur.
2. Tarixi uyğunsuzluqlar və ikili standartlar
Tarixin inkarı: ABŞ Konqresi və insan haqları təşkilatları son 30 ildə Ermənistanın azərbaycanlılara qarşı apardığı etnik təmizləməyə toxunmadığına görə tənqid olunmalıdır. Buraya Xocalı soyqırımı və digər qırğınlar, eləcə də 44 günlük müharibə zamanı Azərbaycan şəhərlərinə və dinc əhaliyə qarşı raket hücumları kimi hadisələr daxildir.
Selektiv yanaşma: Azərbaycanlıların tarixi həqiqətlərinə məhəl qoymadan Qarabağda baş verən son hadisələrə diqqətin yönəldilməsi selektiv yaşaşmanın bariz nümunəsidir. Bu selektiv yanaşma diqqəti bütün faktların qərəzsiz qiymətləndirilməsi deyil, lobbiçilik səyləri ilə idarə olunan qərəz kimi qəbul etmək olar.
3. Könüllü köç etnik təmizləmə sayıla bilməz
Könüllü köç: Ermənilər Qarabağı könüllü olaraq tərk ediblər, bunu Ermənistan liderləri və BMT kimi beynəlxalq qurumlar da təsdiqləyib. Azərbaycanın Qarabağdakı ermənilərə vətəndaşlıq və digər hüquqların verilməsi rədd edilmiş və könüllü olaraq ərazini tərk etmə fakti baş vermişdir.
Qətnamənin etnik təmizləmə ittihamı əsassız olduğu və erməni lobbisi tərəfindən təbliğ edilən qərəzli rəvayətin bir hissəsi olduğu gün kimi aydın görünür.
4. Siyasi motivlər
Seçkiqabağı siyasət: Qətnamənin vaxtı ABŞ-da qarşıdan gələn seçkilərlə əlaqələndirmək olar ki, bu da konqresmenlərin etnik ermənilərdən səs qazanmağa çalışdığını göstərir. Xarici siyasət məsələlərinin bu cür siyasiləşdirilməsi əsaslı reallıqları əks etdirməyən qərəzli qətnamələrə gətirib çıxara bilər.
5. Ərazi bütövlüyü və suverenlik
Sonda Azərbaycanın hərbi yolla əldə etdiyi ərazi bütövlüyü və suverenliyinin bərpası ilə bağlı dinc əhalinin hədəfə alınmadığı, hərbi əməliyyatların Azərbaycan torpaqlarını işğal edən Ermənistan qüvvələrinə qarşı aparıldığını bir daha vurğulamaq istərdim.
ABŞ Konqresinin erməni lobbisinin təsiri altında Azərbaycana qarşı selektiv və qərəzli yanaşma nümayiş etdirməsi azərbaycanlıların üzləşdiyi tarixi həqiqətlərin inkar edilməsi beynəlxalq münasibətlərdə ABŞ-ın etibarlılığına və obyektiv mövqeyinə şübhə yaradır.
