Çimərlik futbolu üzrə Azərbaycan millisi yenidən Səudiyyə Ərəbistanı yığmasına qalib gəlib

Çimərlik futbolu üzrə Azərbaycan milli komandası növbəti yoldaşlıq oyununu keçirib.

Bakı Su İdmanı Sarayının ərazisindəki çimərlik futbolu meydançasında Səudiyyə Ərəbistanı yığması ilə qarşılaşan millimiz bu dəfə 4:2 hesabı ilə qələbə qazanıb.

İsa Zeynallının dubl etdiyi oyunda millimizin digər qollarını Bayram Paşazadə və Emin Mehtiyev vurublar.