Parlamentin ətrafında aksiya bərpa olunub - VİDEO

Parlamentin ətrafında aksiya bərpa olunub - VİDEO Parlamentin ətrafında aksiya bərpa olunub - VİDEO https://innews.media/az/news/id-30514

Bu gün Parlament “Xarici təsirin şəffaflığı haqqında" qanun layihəsini plenar iclasda üçüncü oxunuşda müzakirə edir.

Aktual.ge xəbər verir ki, qanun layihəsini Gürcüstanın hakim “Gürcü Arzusu” partiyası təqdim edib.

Üçüncü oxunuş əsasən texniki və redaksiya məzmununun müzakirəsini nəzərdə tutur. Ona görə də bu gün parlamentdə qanun layihəsinə baxılması prosesinin başa çatacağı və qəbul olunacağı gözlənilir. Daha sonra sənəd imzalanmaq üçün prezidentə təqdim olunacaq.

Qeyd edək ki, sözügedən layihə ilə bağlı bir neçə gün əvvəl başlayan, dünən isə 30-dan artıq universitetin tələbələrinin də qatıldığı genişmiqyaslı aksiya bu gün bərpa olunub. Saat 10:00-dan etibarən tələbələr universitetlərdən qanunverici orqana doğru yürüş ediblər. Hazırda etirazçılar Parlamentin ətrafına toplanıblar. Qanun layihəsinin qanunverici orqanda davam edən müzakirəsinə paralel olaraq da aksiya davam edir.

Qeyd edək ki, qanun layihəsinə əsasən büdcəsinin 20%-dən çoxu xaricdən formalaşan qeyri-kommersiya təşkilatları “xarici dövlətin maraqlarını həyata keçirən təşkilat” kimi reyestrdən keçməli, hər il maliyyə hesabatı verməlidir. Qanun layihəsi eyni zamanda ölkənin Ədliyyə Nazirliyinə qeyri-kommersiya təşkilatları ilə bağlı araşdırma aparmaq səlahiyyəti verilməsini nəzərdə tutur. Reyestrdən keçməyən təşkilatlar təxminən 25 min lari məbləğində cərimələnəcək.