https://innews.media/uploads/news/2024-03/_innews_7ae70bea517d83dda85da684f_o.jpg
16 mart tarixində İsveçin paytaxtı Stokholm şəhərində Novruz bayramı münasibətilə tədbir keçirilib.
Azərbaycan Diasporuna Dəstək Fondunun dəstəyi, İsveç Beynəlxalq Media Qrupu və Azərbaycan Media Mərkəzinin təşkilatçılığı ilə keçirilən bayram tədbirində İsveçin müxtəlif şəhərlərindən gələn 300-ə yaxın qonaq iştirak edib.
Tədbir Azərbaycan Respublikasının Dövlət Himninin səsləndirilməsi ilə başlayıb.
Tədbiri giriş sözü ilə açan Beynəlxalq Media Qurupun sədri Rahim Sadiqbəyli İsveçin ayrı-ayrı yerlərində yaşayan həmvətənlərimizi qədim bayramımız olan Novruza həsr olunmuş tədbirdə görməkdən məmnunluğunu bildirib. Daha sonra SAF (İsveç-Azərbaycan Assosiasiyası) sədri Sevda Dadaşova qonaqları təbrik edib, “Qarabağ” həftəsonu məktəbinin şagirdlərinə hədiyyələr verib.
Stokholmda fəaliyyət göstərən “Qarabağ” həftəsonu məktəbinin şagirdləri tədbirdə “Almalı” rəqsini oynayıblar. Bayram proqramında Azərbaycanın tanınmış musiqiçiləri Abbas Əhməd, Çinarə Məlikzadə və musiqi tərtibatçısı Ümid Babayevin iştirak edib.
