Ağacları kəsən şəxs saxlanıldı

İmişlidə ağacları kəsərək təbiətə ziyan vuran şəxs inzibati qaydada məsuliyyətə cəlb olunub

Bu barədə innews.media DİN-in Mətbuat Xidmətinin Şirvan regional qrupundan verilən məlumata görə, İmişli Rayon Polis Şöbəsinin əməkdaşları tərəfindən keçirilən tədbirlərlə rayonun Məmmədli kəndi ərazisində qanunsuz olaraq ağac kəsməkdə şübhəli bilinən Əliyetməzli kənd sakini Ə.Mehdiyev saxlanılıb.

Şöbə əməkdaşları tərəfindən sonuncu tərəfindən kəsilmiş ağaclar maddi sübut kimi götürülüb.

Təbiətə ziyan vuran Ə.Mehdiyev barəsində İXM-nin 252-ci maddəsinə əsasən protokol tərtib olunub və o, qanunvericiliyə uyğun olaraq məsuliyyətə cəlb olunub.