https://innews.media/uploads/news/2023-05/_innews_60b7b1a39ae8cdc9e150e99af_o.jpg
“Azərbaycan Dəmir Yolları” Qapalı Səhmdar Cəmiyyəti (ADY) yay mövsümünün başlaması ilə əlaqədar Bakı-Qəbələ-Bakı istiqamətində artan sərnişin tələbatını nəzərə alaraq 03 iyun 2023-cü il tarixindən etibarən qatar reyslərinin sayını artırıb.
Belə ki, qeyd edilən tarixdən etibarən həftənin şənbə və bazar günləri olmaqla saat 08:00-da Bakı Dəmiryol Vağzalından Qəbələyə yola düşən qatar mənzil başına saat 11:20-də, həmin günlər Qəbələdən saat 19:00-da yola düşən qatar isə Bakı Dəmiryol Vağzalına saat 22:20-də çatacaq.
Marşrut üzrə bir istiqamətə gediş haqqı standart sinif üçün 14 AZN təşkil edir. Biletləri Bakı Dəmiryol Vağzalının kassalarından və ya ADY-nin rəsmi saytından onlayn əldə etmək mümkündür.
Ən son xəbərləri səhifəmizdən də izləyin
