https://innews.media/uploads/news/2022-04/_innews_6fa4a7ea656de064dc274ce25_o.jpg
Qazaxıstan Səfiri Serjan Abdıkarimov Azərbaycan Respublikasının Dövlət Turizm Agentliyinin Sədri Fuad Nağıyevlə görüş keçirib. Tərəflər turizm sahəsində ikitərəfli və çoxtərəfli əməkdaşlığı məsələlərini ətraflı müzakirə ediblər.
Həmsöhbətlər iki ölkə arasında müntəzəm aviareyslərin başlamasını və qarşılıqlı turist axının artmasını məmnunluqla qeyd ediblər, Qazaxıstanın və Azərbaycanın postpandemiya dövründə turizm potensialının inkişafı, qarşıdan gələn turizm sərgilərdə və konfranslarda nümayəndə heyətlərin iştirakı haqqında fikir mübadiləsini aparıblar.
Bu il Qazaxıstanla Azərbaycan arasında diplomatik münasibətlərin qurulmasının 30 illiyinin qeyd edilməsi çərçivəsində tərəflər turizm sahəsində qarşılıqlı tədbirlərin keçirilməsi mümkünlüyünü müzakirə ediblər.
