https://innews.media/uploads/news/2025-04/_innews_5c0c8d666ac1dd817d15dbf48_o.jpg
2025-ci ilin I rübü ərzində Naxçıvan Muxtar Respublikasında sosial-iqtisadi inkişaf istiqamətində bir sıra mühüm nəticələr əldə olunub.
Özünüməşğulluq proqramında əhəmiyyətli artım
Cari ilin ilk üç ayı ərzində Özünüməşğulluq proqramı çərçivəsində 314 şəxs aktivlərlə təmin olunub. Bu göstərici, 2024-cü ilin eyni dövrü ilə müqayisədə 102 nəfər və ya 48% artım deməkdir.
Sosial sığorta sistemində genişlənmə
Əmək fəaliyyətinə başlayan və fərdi uçota alınan sığortaolunanların ümumi sayı da artıb. Belə ki, fərdi hesabların sayı 2024-cü ilin I rübündə 194 102 nəfər olduğu halda, 2025-ci ilin eyni dövründə bu göstərici 200 037 nəfərə çatıb. Bu isə 5 935 nəfər və ya 3% artım deməkdir.
Əmək müqavilələrinin elektronlaşdırılması tamamlama mərhələsindədir
Dövlət sektoru üzrə əmək müqavilələrinin elektron sənəd formasına keçirilməsi 99,9% təmin olunub. Yalnız 7 müqavilə texniki səbəblərdən rəqəmsallaşdırıla bilməyib.
Haqqı ödənilən ictimai işlərə cəlb olunanların sayı artıb
İctimai işlərə cəlb olunanların sayı 2024-cü ilin I rübündə 900 nəfər olduğu halda, bu il həmin göstərici 1 400 nəfərə yüksəlib, bu isə 41% artım deməkdir.
Ünvanlı dövlət sosial yardımı (ÜDSY) genişlənib
2025-ci ilin I rübündə ÜDSY proqramı çərçivəsində 2477 ailə 3 milyon 410 min manat yardım alıb. Bu göstərici ötən ilin müvafiq dövrü ilə müqayisədə əhatə dairəsində 62%, maliyyə məbləğində isə 58% artım göstərir.
Vergi daxilolmaları üzrə uğurlu nəticələr
2025-ci ilin I rübü ərzində Naxçıvanın büdcə gəlirləri (vergi daxilolmaları) planı 45 milyon 957 min manat müəyyən edilsə də, icra göstəricisi 50 milyon 304 min 958 manat təşkil etmiş, nəticədə plan artıqlaması ilə – 9,5% – yerinə yetirib.
.jpeg)
.jpeg)
.jpeg)
.jpeg)
Ən son xəbərləri səhifəmizdən də izləyin
