https://innews.media/uploads/news/2024-11/_innews_06e6f768cbd3d3c76f767f23f_o.jpg
Futbol üzrə idman jurnalistlərindən ibarət komanda beynəlxalq turnirdə 3-cü olub.
Gürcüstanın Batumi şəhərində məşhur futbol şərhçisi Kote Maxaradzenin xatirəsinə həsr edilmiş idman jurnalistləri arasında 6-cı Beynəlxalq Media Kuboku turniri keçirilib.
8 ölkənin iştirak etdiyi yarışda Azərbaycanı idman jurnalistlərindən ibarət yığma komanda təmsil edib.
Komandamız Macarıstan, Litva və Moldova yığmalarının yer aldığı A qrupunda iki qələbə qazanaraq yarımfinala vəsiqə əldə edib. Yarımfinalda meydan sahibi Gürcüstan yığması ilə qarşılaşan komandamız yekunda məğlub olaraq turniri 3-cü pillədə tamamlayıb.
Komandanın əsas heyətində yer alan saytımızın əməkdaşı Məsim Məsimzadə turnirin ən yaxşı hücumçusu seçilib.
Turnirin qalibi isə Moldova komandası olub.
Ən son xəbərləri səhifəmizdən də izləyin
